Салом ба аҳли заҳмати нашрияи дӯстдоштаам «Зан ва мард»- и розшунав. Воқеан ҳам, рӯз аз рӯз ин ҳафтавор розшунави дили ҳамагон гашта истодааст, аз ин ҷост, ки мо, хонандагонаш тариқи номаҳои хеш рози дил мекунем, саволу дархост, пешниҳоду пайғоми худро ба сарояндаи писандидаамон мефиристем…
Чун дӯстдори таронаҳои пурмуҳаббати сарояндаи ҷавону хушсадо Самад Ғанӣ ҳастам, ҳамеша тариқи ин ҷарида ба ӯ пайғом мефиристам, зеро ягона пайғомрасони беминнатам ин «Зан ва мард» аст. Бинобар ҳамин, бори дигар салому дуруди самимии хешро ба ин ҷавони соҳибҳунар мерасонам ва тариқи мактубам гуфтанӣ ҳастам, ки суруди ба тозагӣ эҷодшудааш хеле писандам омад, вале ба саволи он ки чаро дар дигар жанр суруда шудааст, ҳеҷ ҷавобе пайдо карда натавонистам, ё шояд Самад минбаъд ҳунари худро дар дигар жанрҳо ҳам месанҷад? Ба ҳар ҳол тарона хуб аст, асос он ки ба мо, ҳаводоронатон писанд омад. Ҳарчанд, ки Самад Ғанӣ дар жанри эстрада бештар суруд мехонд, вале таронаи «Мутриб»- аш, ки дар шакли рэп суруду шудааст, диданию шуниданӣ баромадааст ва фикр мекунам, ки ба дили ҳамагон роҳ ёфтааст. Вале мақсади асосии нома нигоштанам ин нест, балки мехоҳам ба чанд саволам тариқи ин нашрия аз ин ҳунарманди дӯстдоштанӣ ҷавоб гирам. Пеш аз ҳама донистан мехоҳам, ки кай нияти пешкаш намудани барномаи ҳунарӣ дорад, зеро дар чандин сӯҳбатҳояш ба мо, дӯстдорони суруду таронааш ваъда дода буд, ки дар Соли 2012 ҳатман як барномаи хуби консертӣ, ки аз дигар барномаҳо ба куллӣ фарқ кунад, пешкаш мегардонад, вале… Як моҳи аввали Соли нав ҳам рафт, аммо аз барномаи Самад хабаре нест, чаро? Хомӯшӣ баҳри чӣ бошад? Охир, мо, ошиқони ҳунараш ӯро пазмон шудем ва бесаброна интизори онем, ки бо таронаҳои ҷадидаш рӯи саҳнаи ҳунар ояд. Ё ӯ фикри моро намекунад? Ҳеҷ бовар намекунам, ки Самад Ғанӣ дар андешаи ҳаводоронаш набошад. Ба ҳар ҳол мо ӯро ва сурудҳояшро хеле зиёд дӯст медорем.
Мавлуда Хайруллоева, донишҷӯи факултаи рӯзноманигории ДМТ
Чун дӯстдори таронаҳои пурмуҳаббати сарояндаи ҷавону хушсадо Самад Ғанӣ ҳастам, ҳамеша тариқи ин ҷарида ба ӯ пайғом мефиристам, зеро ягона пайғомрасони беминнатам ин «Зан ва мард» аст. Бинобар ҳамин, бори дигар салому дуруди самимии хешро ба ин ҷавони соҳибҳунар мерасонам ва тариқи мактубам гуфтанӣ ҳастам, ки суруди ба тозагӣ эҷодшудааш хеле писандам омад, вале ба саволи он ки чаро дар дигар жанр суруда шудааст, ҳеҷ ҷавобе пайдо карда натавонистам, ё шояд Самад минбаъд ҳунари худро дар дигар жанрҳо ҳам месанҷад? Ба ҳар ҳол тарона хуб аст, асос он ки ба мо, ҳаводоронатон писанд омад. Ҳарчанд, ки Самад Ғанӣ дар жанри эстрада бештар суруд мехонд, вале таронаи «Мутриб»- аш, ки дар шакли рэп суруду шудааст, диданию шуниданӣ баромадааст ва фикр мекунам, ки ба дили ҳамагон роҳ ёфтааст. Вале мақсади асосии нома нигоштанам ин нест, балки мехоҳам ба чанд саволам тариқи ин нашрия аз ин ҳунарманди дӯстдоштанӣ ҷавоб гирам. Пеш аз ҳама донистан мехоҳам, ки кай нияти пешкаш намудани барномаи ҳунарӣ дорад, зеро дар чандин сӯҳбатҳояш ба мо, дӯстдорони суруду таронааш ваъда дода буд, ки дар Соли 2012 ҳатман як барномаи хуби консертӣ, ки аз дигар барномаҳо ба куллӣ фарқ кунад, пешкаш мегардонад, вале… Як моҳи аввали Соли нав ҳам рафт, аммо аз барномаи Самад хабаре нест, чаро? Хомӯшӣ баҳри чӣ бошад? Охир, мо, ошиқони ҳунараш ӯро пазмон шудем ва бесаброна интизори онем, ки бо таронаҳои ҷадидаш рӯи саҳнаи ҳунар ояд. Ё ӯ фикри моро намекунад? Ҳеҷ бовар намекунам, ки Самад Ғанӣ дар андешаи ҳаводоронаш набошад. Ба ҳар ҳол мо ӯро ва сурудҳояшро хеле зиёд дӯст медорем.
Мавлуда Хайруллоева, донишҷӯи факултаи рӯзноманигории ДМТ
